اليوم فتحت هاد الدفتر.
صار إلي زمان بحكي لحالي إني بدي أكتب. مش مقالات ولا نصايح، بس أشياء صغيرة بتصير معي وبتروح إذا ما كتبتها. جملة سمعتها بالشارع، ريحة قهوة الصبح، فكرة خطرت ع بالي وأنا بالطريق.
قعدت اليوم أختار الألوان والخطوط كأني بجهّز غرفة جديدة. وردي هادي، وخط رقعة بيشبه خط الإيد، وبياض كثير عشان الكلام يتنفّس.
يمكن الكتابة هي طريقتي عشان أمشي أبطأ شوي.
ما بعرف قديش رح أكتب هون، ولا مين رح يقرأ. بس بعرف إنه بعد سنة، لما أرجع لهاي الصفحة، رح أتذكر هاد اليوم.
اترك رد